రాళ్లవాగు బ్రిడ్జి పనులతో ప్రజలకు ఇబ్బందులు కలగకుండా ప్రత్యామ్నాయ మార్గం ఏర్పాటు చేయాలి
అధికారులకు ఎమ్మెల్యే కొక్కిరాల ప్రేమ్ సాగర్ రావు ఆదేశం
వాస్తవ గమ్యం / తెలంగాణ / మంచిర్యాల : మంచిర్యాల మున్సిపల్ కార్పొరేషన్ పరిధిలోని రాళ్లవాగు బ్రిడ్జి నిర్మాణ పనుల సమయంలో ప్రజలకు, వాహనదారులకు ఎలాంటి ఇబ్బందులు కలగకుండా ప్రత్యామ్నాయ మార్గాన్ని ఏర్పాటు చేయాలని మంచిర్యాల ఎమ్మెల్యే కొక్కిరాల ప్రేమ్ సాగర్ రావు అధికారులను ఆదేశించారు. బ్రిడ్జి నిర్మాణ పను లను సంబంధిత అధికారులతో కలిసి ఆయన పరిశీలించారు. నిర్మాణ పనులు కొనసాగుతున్న సమయంలో రాకపోకలకు అంతరాయం కలగకుండా తాత్కాలికంగా మట్టి రహదారిని ఏర్పాటు చేయాలని ఆర్‌అండ్‌బీ, మున్సిపల్ అధికారులకు సూచించారు. ప్రజల సౌకర్యానికి ప్రాధాన్యతనిస్తూ,వాహన దారులు సురక్షితంగా రాకపోకలు సాగించేలా అవసరమైన చర్యలు చేపట్టాలని స్పష్టం చేశారు.ఈ కార్యక్రమంలో మంచి ర్యాల మున్సిపల్ కార్పొరేషన్ మేయర్ ధర్ని మధుకర్, కార్పొరేషన్ కాంగ్రెస్ పార్టీ అధ్యక్షుడు, కార్పొరేటర్ తూముల నరేష్, మంచిర్యాల జిల్లా ఆర్‌జీపీఆర్‌ఎస్ అధ్యక్షుడు గడ్డం త్రిమూర్తి, సంబంధిత అధికారులు, కార్పొరేటర్లు, కాంగ్రెస్ నాయకులు, కార్యకర్తలు తదితరులు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
