రాష్ట్రస్థాయి అండర్-17 ఫుట్‌బాల్ పోటీలకు మందమర్రి విద్యార్థి ఎంపిక.*
వాస్తవ గమ్యం / తెలంగాణ / మంచిర్యాల : తెలంగాణ రాష్ట్రస్థాయి అండర్-17 స్కూల్ గేమ్స్ ఫెడరేషన్ ఆధ్వర్యంలో నిర్వహించనున్న ఫుట్‌బాల్ పోటీలకు మందమర్రి విద్యార్థి ఎంపికయ్యాడు. స్థానిక హైదరాబాద్ కృష్ణవేణి టాలెంట్ హైస్కూల్‌లో పదో తరగతి చదువుతున్న ఎస్.కె. షాహాబాజ్ ఈ పోటీల్లో పాల్గొననున్నట్లు పాఠశాల డైరెక్టర్ రాంవేణు శనివారం ఒక ప్రకటనలో తెలిపారు.ఈ నెల 12వ తేదీ నుంచి హైదరాబాద్‌లో ప్రతిష్ఠాత్మకంగా జరగనున్న రాష్ట్రస్థాయి ఫుట్‌బాల్ టోర్నమెంట్‌లో షాహాబాజ్ తమ క్రీడా నైపుణ్యాన్ని ప్రదర్శించనున్నారు. జిల్లా స్థాయి పోటీల్లో అత్యుత్తమ ప్రతిభ కనబరిచి రాష్ట్ర స్థాయికి ఎంపిక కావడంపై పాఠశాల యాజ మాన్యం హర్షం వ్యక్తం చేసింది.రాష్ట్రస్థాయి పోటీల్లోనూ షాహాబాజ్ రాణించి మందమర్రి ప్రాంతానికి, పాఠశాలకు మంచి పేరు తీసుకురావాలని ఆకాంక్షిస్తూ డైరెక్టర్ రాంవేణుతో పాటు ఉపాధ్యాయ బృందం, తోటి విద్యార్థులు అతనికి ప్రత్యేకంగా అభినందనలు మరియు శుభాకాంక్షలు తెలియజేశారు.
Admin
వాస్తవ గమ్యం
మరిన్ని వార్తలు
Developed By :
