జనరల్ హాస్పిటల్‌లో నూతన క్యాంటీన్ ప్రారంభం
వాస్తవ గమ్యం / తెలంగాణ / ఆసిఫాబాద్ : కొమురం భీం ఆసిఫాబాద్ జిల్లా కేంద్రంలోని గవర్నమెంట్ జనరల్ హాస్పిటల్ ఆవరణలో నూతన క్యాంటీన్‌ను జిల్లా పాలనాధికారి కె. హరిత, ఆసుపత్రి మెడికల్ సూపరింటెండెంట్ డాక్టర్ సి.హెచ్. కిరణ్ ప్రారంభించారు.ఆసుపత్రికి వచ్చే రోగులు, వారి సహాయకులకు ఆహారం, అల్పాహారం, టీ, తాగునీరు వంటి ప్రాథమిక సదుపాయాలు అందుబాటులో ఉండేలా క్యాంటీన్ ఏర్పాటు చేసినట్లు తెలిపారు. దూర ప్రాంతాల నుంచి వచ్చే రోగుల సహాయకులకు ఈ సదుపాయం ఎంతో ఉపయోగపడుతుందని,సమయం,శ్రమ,ప్రయాణ ఖర్చులు ఆదా అవుతాయని పేర్కొన్నారు. క్యాంటీన్‌లో నాణ్యత, పరిశుభ్రతకు ప్రాధాన్యతనిస్తూ ఆహార పదార్థాల తయారీ, నిల్వ, విక్రయాల్లో పరిశుభ్రతా ప్రమాణాలు పాటించాలని సూచించారు. కార్యక్రమంలో పరిపాలనాధికారి రాజ్‌కుమార్, పరిపాలనా అధికారి తిరుపతి, చీఫ్ నర్సింగ్ ఆఫీసర్ విజయమ్మ, అసిస్టెంట్ ప్రొఫెసర్ డాక్టర్ తిరుమలేశ్, ఆర్‌ఎంఓలు డాక్టర్ స్రవంతి తదితరులు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
