పేద విద్యార్థుల ఆకలి బాధకు చెక్.. పౌష్టికాహార కార్యక్రమం ప్రారంభం
వాస్తవ గమ్యం / తెలంగాణ / మంచిర్యాల : మండలంలోని శంకరపల్లి గ్రామ ప్రాథమిక పాఠశాలలో పేద, మధ్యతరగతి విద్యార్థులకు ఉచిత పౌష్టికాహారం అందించే కార్యక్రమాన్ని గ్రామ సర్పంచ్ పెరుమండ్ల వెంకటేష్ గురువారం ప్రారంభించారు. ఈ సందర్భంగా ఆయన మాట్లాడుతూ.. ఆకలితో ఉన్న విద్యార్థులు చదువుపై పూర్తిస్థాయిలో దృష్టి సారించలేరని, పౌష్టికాహారం అందించడం ద్వారా వారి ఆరోగ్యం, విద్యాభివృద్ధికి దోహదపడుతుందన్నారు. విద్యార్థులు ఆరోగ్యంగా ఉండి ఉన్నత చదువులు చదివి గ్రామానికి మంచి పేరు తీసుకురావాలని ఆకాంక్షించారు. అనంతరం అంగన్వాడీ కేంద్రంలో ఆరోగ్య సదస్సు నిర్వహించి విద్యార్థులు, గర్భిణీలకు పౌష్టికాహారం ప్రాధాన్యతపై అవగాహన కల్పించారు. కార్యక్రమంలో పాఠశాల ఉపాధ్యాయుడు మద్ది లక్ష్మణ్, అంగన్వాడీ సిబ్బంది, విద్యార్థులు, తల్లిదండ్రులు, గ్రామస్తులు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
