హుజూరాబాద్‌లో కోతుల బెడదకు చెక్: తరలింపు ప్రక్రియ ప్రారంభం
వాస్తవ గమ్యం / తెలంగాణ / కరీంనగర్ : హుజూరాబాద్ పట్టణ ప్రజలను గత కొంతకాలంగా కంటిమీద కునుకు లేకుండా చేస్తున్న కోతుల సమస్యకు ఎట్టకేలకు పరిష్కారం లభించింది. మున్సిపల్ అధికారులు, పాలకవర్గం తీసుకున్న నిర్ణయంతో పట్టణంలో కోతుల తరలింపు ప్రక్రియ గురువారం అట్టహాసంగా ప్రారంభమైంది.కోతుల బెడదను శాశ్వతంగా రూపుమాపాలనే పట్టుదలతో, మున్సిపాలిటీ 2026-27 ఆర్థిక సంవత్సర బడ్జెట్‌లో రూ.4 లక్షల నిధులను ప్రత్యేకంగా కేటాయించింది. పట్టణంలోని మొత్తం 30 వార్డుల్లో సంచరిస్తూ ప్రజలను భయాందోళనలకు గురిచేస్తున్న కోతులను బంధించేందుకు హైవేస్ రెంటల్స్ సిబ్బందికి బాధ్యతలు అప్పగించారు.రంగంలోకి నిపుణులు: కోతులను పట్టడంలో ఆరితేరిన హైవేస్ రెంటల్స్ సిబ్బంది రంగంలోకి దిగి, ప్రత్యేక బోన్లు, వలల ద్వారా కోతులను బంధిస్తున్నారు.30 వార్డులపై :పట్టణంలోని అన్ని వార్డుల్లో దశలవారీగా ఈ ఆపరేషన్ కొనసాగనుంది.సురక్షిత ప్రాంతాలకు తరలింపు: బంధించిన కోతులను అటవీ శాఖ నిబంధనల ప్రకారం సుదూర ప్రాంతాల్లోని అడవుల్లో విడిచిపెట్టనున్నారు.ఇళ్లు, దుకాణాలపై పడి సామాగ్రిని ధ్వంసం చేయడమే కాకుండా, చిన్నపిల్లలు, వృద్ధులపై దాడులు చేస్తున్న కోతుల పట్ల స్థానికులు తీవ్ర ఇబ్బందులు పడ్డారు. ఇప్పుడు మున్సిపల్ యంత్రాంగం తీసుకున్న ఈ సత్వర చర్యల పట్ల పట్టణ ప్రజలు హర్షం వ్యక్తం చేస్తున్నారు. అధికారుల చొరవతో తమకు "కోతుల భయం" నుంచి విముక్తి లభిస్తుందని వారు ధీమా వ్యక్తం చేస్తున్నారు.
Admin
వాస్తవ గమ్యం
మరిన్ని వార్తలు
Developed By :
