మందమర్రి గాయత్రి బ్యాంక్ ఖాతాదారునికి రూ. 2 లక్షల ప్రమాద బీమా అందజేత
వాస్తవ గమ్యం / తెలంగాణ / మంచిర్యాల : మందమర్రి: గాయత్రి కో-ఆపరేటివ్ అర్బన్ బ్యాంక్ మందమర్రి శాఖ ఖాతాదారురాలు దివంగత మొయ్య లావణ్య కుటుంబానికి ‘గాయత్రి నిర్భయ సేవింగ్స్ ఖాతా’ ప్రమాద బీమా కింద రూ.2 లక్షల చెక్కును అందించారు.ఈ చెక్కును స్థానిక ఎస్సై జి. నగేష్ చేతుల మీదుగా లావణ్య భర్త మొయ్య రాంబాబుకు అందజేశారు.ఈ కార్యక్రమంలో బ్రాంచ్ మేనేజర్ ఎమ్.సతీష్, జూనియర్ ఆఫీసర్ జె.సతీష్ పాల్గొన్నారు.ఈ సందర్భంగా బ్యాంక్ అందిస్తున్న పలు సేవలు,రుణ సదుపాయాలను మేనేజర్ వివరించారు.రైతులకు సంవత్సరానికి 10.50% వడ్డీతో వ్యవసాయ రుణాలు అందిస్తున్నారు.తక్కువ వడ్డీతో,గ్రాముకు గరిష్టంగా రూ. 8,600 వరకు రుణాలు మంజూరు చేస్తున్నారు.కిసాన్ వికాస్ పత్రాలు, పోస్టాఫీస్ డిపాజిట్లపై నెలకు కేవలం 0.83 పైసల వడ్డీతో ఏడాదికి 10% వడ్డీ రేటు రుణాలు లభిస్తాయి.నూతన సేవింగ్ ఖాతా తెరిచే వారికి అవసరమైన ఫోటోలు, జిరాక్స్ కాపీలను బ్యాంకులోనే ఉచితంగా సమకూరుస్తున్నారు.పరిసర గ్రామాల ప్రజల కోసం బ్యాంకింగ్ కరస్పాండెంట్ల ద్వారా సేవలు, 24 గంటల ఏటీఎం నగదు సదుపాయం,వ్యాపారుల కోసం వ్యాపార వృద్ధి రుణాలు అందుబాటులో ఉన్నాయని మేనేజర్ తెలిపారు. వినియోగదారులు ఈ అవకాశాలను సద్వినియోగం చేసుకోవాలని ఆయన కోరారు.
Admin
వాస్తవ గమ్యం
మరిన్ని వార్తలు
Developed By :
