లుంబిని దీక్షా భూమి అభివృద్ధికి రూ.12 లక్షల నిధులు
వాస్తవ గమ్యం / తెలంగాణ / ఆసిఫాబాద్ : ఆసిఫాబాద్: పట్టణంలోని లుంబిని దీక్షా భూమి అభివృద్ధికి ఎమ్మెల్యే కోవ లక్ష్మి సహకారంతో రూ.12 లక్షల నిధులు కేటాయించారు.ఈ నిధులతో దీక్షా భూమి ప్రాంగణంలో రూ.10 లక్షల వ్యయంతో షెడ్ నిర్మించడంతో పాటు, రూ.2 లక్షలతో హైమాస్ట్ లైట్ ఏర్పాటు చేయనున్నారు. ఈ అభివృద్ధి పనులతో దీక్షా భూమికి వచ్చే ప్రజలకు మరింత సౌకర్యాలు అందుబాటు లోకి రానున్నాయి.ఈ సందర్భంగా మంగళవారం లుంబిని దీక్షా భూమిలో బుద్ధ వందనం నిర్వహించిన అనంతరం షెడ్ నిర్మాణ పనులకు భూమిపూజ చేశారు. త్వరలో నిర్మాణ పనులు చేపట్టి పూర్తి చేసేందుకు చర్యలు తీసుకోనున్నారు.దీక్షా భూమి ప్రాంగణంలో మౌలిక సదుపాయాల కల్పనకు నిధులు కేటాయించడం పట్ల నిర్వాహకులు, స్థానికులు హర్షం వ్యక్తం చేశారు.ఈ కార్యక్రమంలో మున్సిపల్ చైర్మన్ మెంగ్రే ఆకాశ్, వైస్ చైర్మన్ మహమ్మద్, కౌన్సిలర్లు, అంబేడ్కర్ సెంటర్ కమిటీ సభ్యులు, సమాజ పెద్దలు తదితరులు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
