మందమర్రి పోలీస్ స్టేషన్లో విషాదం: హోంగార్డ్ గట్టక్క అకాల మరణం
వాస్తవ గమ్యం / తెలంగాణ / మంచిర్యాల : మందమర్రి,జూలై 06.మందమర్రి పోలీస్ స్టేషన్లో హోంగార్డ్‌గా విధులు నిర్వహిస్తున్న గట్టక్క అనారోగ్యంతో అకాల మరణం చెందారు.ఆమె మృతి స్థానిక పోలీస్ శాఖలో తీవ్ర విషాదాన్ని నింపింది.గట్టక్క మరణం పోలీస్ రంగానికి తీరని లోటని సహచర సిబ్బంది ఆవేదన వ్యక్తం చేశారు.విషయం తెలుసుకున్న మందమర్రి సిఐ పర్స రమేష్,ఏఎస్సైలు మాజీద్ ఖాన్,మిలన్ తదితర పోలీస్ అధికారులు గట్టక్క నివాసానికి చేరుకుని, ఆమె పార్థివ దేహానికి పూలమాలలు వేసి ఘన నివాళులర్పించారు.ఈ సందర్భంగా సిఐ పర్స రమేష్ గట్టక్క కుటుంబ సభ్యులను పరామర్శించి,తమ ప్రగాఢ సానుభూతిని తెలియజేశారు.గట్టక్క పోలీస్ శాఖకు అందించిన సేవలను ఆయన కొనియాడారు. ఈ కష్టకాలంలో బాధిత కుటుంబానికి పోలీస్ శాఖ అన్ని విధాలా అండగా ఉంటుందని, తగిన సహాయ సహకారాలు అందిస్తామని ఈ సందర్భంగా ఆయన భరోసా ఇచ్చారు.
Reporter
వాస్తవ గమ్యం
మరిన్ని వార్తలు
Developed By :
