Monday, 26 October 2026 02:45:25 PM
కిష్టంపేట గ్రామంలో భక్తిశ్రద్ధలతో మహా చండీ హోమం నిర్వహణ
Date : 19 October 2026 04:38 PM
Views : 163
వాస్తవ గమ్యం / తెలంగాణ / మంచిర్యాల : దుర్గాదేవి శరన్నవరాత్రి ఉత్సవాల్లో భాగంగా చెన్నూరు మండలం కిష్టంపేట గ్రామంలోని దుర్గామాత మండపంలో మహా చండీ హోమాన్ని భక్తిశ్రద్ధలతో ఘనంగా నిర్వహించారు. వేద పండితుల మంత్రోచ్ఛారణలు, మంగళవాయిద్యాల నడుమ హోమ కార్యక్రమం ఆధ్యాత్మిక వాతావరణంలో కొనసాగింది.ఈ సందర్భంగా అమ్మవారికి ప్రత్యేక పూజలు నిర్వహించారు.ప్రజలందరూ సుఖసంతోషాలతో,ఆయురా రోగ్యాలతో జీవించాలని, గ్రామం సుభిక్షంగా ఉండాలని, పాడిపంటలు సమృద్ధిగా పండాలని అమ్మవారిని ప్రార్థించారు. మహా చండీ హోమంలో భక్తులు పెద్ద సంఖ్యలో పాల్గొని అమ్మవారి ఆశీస్సులు పొందారు.హోమం అనంతరం పూర్ణా హుతి కార్యక్రమాన్ని నిర్వహించారు అనంతరం భక్తులు అన్నప్రసాదాలను స్వీకరించారు.దుర్గామాత నామస్మరణతో మండపం భక్తి పారవశ్యంలో మునిగిపోయింది.
MANTHRI GAJANAND
Reporter
వాస్తవ గమ్యం
మరిన్ని వార్తలు
Copyright © Vastava Gamyam 2026. All right Reserved.
Developed By :
Developed By :