సాయిరాం యూత్ దుర్గా ఉత్సవ కమిటీ ఆధ్వర్యంలో ఘనంగా కుంకుమ పూజ
వాస్తవ గమ్యం / తెలంగాణ / మంచిర్యాల : భీమారం మండలంలోని రావీ చెట్టు వాడలో సాయిరాం యూత్ దుర్గ ఉత్సవ సమితి ఆధ్వర్యంలో నిర్వహిస్తున్న దుర్గా శరన్న వరాత్రోత్సవాలు భక్తిశ్రద్ధలతో ఘనంగా కొనసాగుతున్నాయి. ఉత్సవాల్లో భాగంగా ఆరవ రోజు శుక్రవారం అమ్మవారు శ్రీ సరస్వతీ దేవి అలంకారంలో భక్తులకు దర్శనమిచ్చారు. ఈ సందర్భంగా చిన్నారుల భవిష్యత్తుకు విద్యాబుద్ధులు కలగాలని ఆకాంక్షిస్తూ అక్షరాభ్యాస కార్యక్రమాన్ని, మహిళల భాగస్వామ్యంతో కుంకుమ పూజ కార్యక్రమాన్ని ఘనంగా నిర్వహించారు. ఈ కార్యక్రమాలకు మహిళలు, భక్తులు అధిక సంఖ్యలో హాజరై అమ్మవారిని దర్శించుకుని ప్రత్యేక పూజలు నిర్వహించారు.అక్షరాభ్యాస కార్యక్రమంలో భాగంగా చిన్నారులకు అక్షరాలు దిద్దించి, విద్యాభ్యాసానికి శుభారంభం చేశారు. అనంతరం నిర్వాహకులు చిన్నారులకు పలకలు, నోట్‌బుక్కులు అందజేశారు.అమ్మవారి ఆశీస్సులు ప్రజలం దరిపై ఎల్లప్పుడూ ఉండాలని, భీమారం మండల ప్రజలందరూ సుఖసంతోషాలతో, ఆయురారోగ్యాలతో, అష్టైశ్వర్యాలతో వర్ధిల్లాలని, పాడిపంటలతో గ్రామాలు సుభిక్షంగా ఉండాలని ఆకాంక్షిస్తూ నవరాత్రి ఉత్సవాల్లో భాగంగా వివిధ పూజా కార్యక్రమాలు నిర్వహిస్తున్నట్లు సాయిరాం యూత్ దుర్గ ఉత్సవ సమితి సభ్యులు తెలిపారు.ఈ ఉత్సవాల్లో భక్తులు అధిక సంఖ్యలో పాల్గొని అమ్మవారి కృపాకటాక్షాలకు పాత్రులు కావాలని సమితి సభ్యులు కోరారు.
Reporter
వాస్తవ గమ్యం
మరిన్ని వార్తలు
Developed By :
