సింగరేణిలో సీఐటీయూ నిరసన: లాభాల వాటా ప్రకటించాలని డిమాండ్
వాస్తవ గమ్యం / తెలంగాణ / మంచిర్యాల : సింగరేణిలో పెండింగ్ సమస్యలు పరిష్కరించాలని డిమాండ్ చేస్తూ సీఐటీయూ ఆధ్వర్యంలో కే కే -5, కాసిపేట-2, మందమర్రి సివిల్, 132 KV సబ్ స్టేషన్ పిట్ కమిటీల కార్మికులు ప్లకార్డులతో నిరసన చేపట్టారు.గత ఆర్థిక సంవత్సరపు లాభాలను వెంటనే ప్రకటించాలని, సిఎంపీఫ్ నిల్వలను పోర్టల్‌లో అప్‌డేట్ చేయాలని కార్మికులు కోరారు. అలాగే సకాలంలో రక్షణ పరికరాలు, ఆఫీసుల్లో కంప్యూటర్లు సమకూర్చాలని, 150 మస్టర్లు, డిప్యూటేషన్ బోనస్ కోత సర్క్యులర్లను రద్దు చేయాలని డిమాండ్ చేశారు. మెడికల్ బోర్డులో ఉన్నవారికి రీ-మెడికల్ నిర్వహించాలని, యువ కార్మికులతో జూనియర్ అసిస్టెంట్, సెక్యూరిటీ పోస్టులు భర్తీ చేయాలని నినదించారు. ఈ కార్యక్రమంలో బద్రి ఆదర్శ్, భేతి భరత్, బుద్ధే సురేష్, నాగవెల్లి శ్రీధర్, కాలువల శ్రీనివాస్ తదితర కార్మికులు పాల్గొన్నారు.
Admin
వాస్తవ గమ్యం
మరిన్ని వార్తలు
Developed By :
