హరిహర దేవస్థానంలో ఘనంగా గణపతి నవరాత్రుల అన్నదాన.
పాల్గొన్న మాజీ ఎమ్మెల్యే నల్లాల ఓదెలు దంపతులు
వాస్తవ గమ్యం / తెలంగాణ / మంచిర్యాల : స్థానిక హరిహర దేవస్థానంలో గణపతి నవరాత్రి ఉత్సవాలను పురస్కరించుకుని భక్తుల ఆధ్వర్యంలో నిర్వహించిన గణపతి అన్నదాన మహా కార్యక్రమం అత్యంత వైభవంగా సాగింది.ఈ కార్యక్రమానికి మాజీ ఎమ్మెల్యే నల్లాల ఓదెలు,జడ్పీటీసీ భాగ్యలక్ష్మి దంపతులు ముఖ్య అతిథులుగా హాజరయ్యారు. ముందుగా స్వామివారిని దర్శించుకున్న ఓదెలు దంపతులు ప్రత్యేక పూజలు నిర్వహించారు.అనంతరం అన్నదాన వితరణ కార్యక్రమంలో పాల్గొని భక్తులకు స్వయంగా ప్రసాదాన్ని వడ్డించారు.ఈ సందర్భంగా ఆలయ కమిటీ సభ్యులు నల్లాల ఓదెలు,భాగ్యలక్ష్మి దంపతులను శాలువాలతో ఘనంగా సన్మానించి స్వామివారి తీర్థప్రసాదాలు అందజేశారు. ఆ తర్వాత,ఆలయ అభివృద్ధికి కృషి చేస్తున్న కమిటీ సభ్యులను, విశేష పూజా కార్యక్రమాలలో పాల్గొన్న భక్త దంపతులను నల్లాల ఓదెలు దంపతులు శాలువాలతో సత్కరించి అభినందించారు.ఈ అన్నదాన మహోత్సవానికి పరిసర ప్రాంతాల నుంచి భక్తులు భారీ సంఖ్యలో తరలివచ్చి స్వామివారి ప్రసాదాన్ని స్వీకరించారు.భక్తుల సమక్షంలో ఆలయ ప్రాంగణం ఆధ్యాత్మిక శోభతో విలసిల్లింది. కార్యక్రమం విజయవంతం కావడానికి సహకరించిన దాతలకు, భక్తులకు మరియు స్వచ్ఛందంగా సేవలందించిన ప్రతి ఒక్కరికీ ఆలయ కమిటీ సభ్యులు ప్రత్యేక ధన్యవాదాలు తెలియజేశారు.
Admin
వాస్తవ గమ్యం
మరిన్ని వార్తలు
Developed By :
