వన్యప్రాణుల పరిరక్షణపై విద్యార్థులకు అవగాహన
వాస్తవ గమ్యం / తెలంగాణ / ఆసిఫాబాద్ : ఆసిఫాబాద్ జాతీయ వన్యప్రాణి వారోత్సవాల ముగింపు వేడుకలను గురువారం రెబ్బెన మండల కేంద్రంలోని ఫారెస్ట్‌ రేంజ్‌ కార్యాలయ ఆవరణలో ఘనంగా నిర్వహించారు. అక్టోబర్‌ 2 నుంచి 8 వరకు నిర్వహించిన వారోత్సవాల్లో భాగంగా విద్యార్థులకు అడవులు, వన్యప్రాణుల ప్రాధాన్యతపై అవగాహన కల్పించేందుకు వివిధ కార్యక్రమాలు చేపట్టారు. ఈ సందర్భంగా రెబ్బెన రేంజ్‌ అధికారి కే. రమాదేవి మాట్లాడుతూ అడవుల ప్రాముఖ్యత, వన్యప్రాణుల సంరక్షణపై విద్యార్థుల్లో అవగాహన పెంపొందించేందుకు వివిధ పాఠశాలల విద్యార్థులకు ఉపన్యాసం, చిత్రలేఖనం తదితర పోటీలు నిర్వహించినట్లు తెలిపారు. పోటీల్లో ప్రతిభ కనబరిచిన విద్యార్థులకు బహుమతులు అందజేశారు. వన్యప్రాణులు, అడవుల సంరక్షణలో విద్యార్థులు కూడా భాగస్వాములు కావాలని అధికారులు సూచించారు. ప్రకృతి పరిరక్షణపై చిన్ననాటి నుంచే అవగాహన పెంపొందించడం ద్వారా భవిష్యత్‌ తరాలకు పర్యావరణాన్ని కాపాడగలమని పేర్కొన్నారు. కార్యక్రమంలో టీజీఎస్‌డబ్ల్యూఆర్‌ఈఎస్‌ ప్రిన్సిపాల్ చైతన్య, డిప్యూటీ ఫారెస్ట్‌ రేంజ్‌ అధికారి ఏ. చంద్రమోహన్‌, ఫారెస్ట్‌ సెక్షన్‌ అధికారులు పి. రవి, వి. సంతోష్‌ కుమార్, బీట్‌ అధికారులు కే. వెంకటేష్‌, డి. శ్రీనివాస్, డి. మహేష్‌, అస్మా యమన్‌ తదితరులు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
