లక్కీ డ్రాతో పేదల సొంతింటి కలకు కొత్త ఆశలు
వాస్తవ గమ్యం / తెలంగాణ / మంచిర్యాల : మంచిర్యాల మున్సిపల్ కార్పొరేషన్ పరిధిలోని షాదీఖానా మైనారిటీ ఫంక్షన్ హాల్‌లో తెలంగాణ రాష్ట్ర ప్రభుత్వం చేపట్టిన రెండు పడకల ఇళ్ల లబ్ధిదారుల ఎంపిక ప్రక్రియలో భాగంగా లక్కీ డ్రా నిర్వహించారు.కార్యక్రమానికి మంచిర్యాల ఎమ్మెల్యే కొక్కిరాల ప్రేమ్ సాగర్ రావు హాజరయ్యారు.అర్హులైన నిరుపేద కుటుంబాలకు సొంతింటి కలను సాకారం చేయడమే ప్రభుత్వ లక్ష్యమని ఆయన పేర్కొన్నారు.లబ్ధిదారుల ఎంపిక ప్రక్రియ పారదర్శకంగా, న్యాయబద్ధంగా జరిగేలా చర్యలు తీసుకుంటున్నట్లు తెలిపారు. లక్కీ డ్రా ద్వారా ఎంపికైన కుటుంబాలకు సొంతింటి ఆనందం దక్కాలని ఆకాంక్షించారు. రెండు పడకల ఇళ్ల పథకం ద్వారా పేద, అర్హులైన కుటుంబాలకు శాశ్వత నివాస భద్రత కల్పించడమే లక్ష్యంగా ప్రభుత్వం ముందుకు సాగుతోందని పేర్కొన్నారు. ప్రభుత్వ సంక్షేమ పథకాల ప్రయోజనాలు అర్హులకు అందేలా అధికారులు సమన్వయంతో పనిచేయాలని సూచించారు. లబ్ధిదారుల ఎంపికలో ఎలాంటి వివక్షకు తావులేకుండా నిబంధనల ప్రకారం ప్రక్రియ కొనసాగుతుందని తెలిపారు. లక్కీ డ్రా సందర్భంగా తమ పేరు వస్తుందన్న ఆశతో లబ్ధిదారులు ఆసక్తిగా ఎదురుచూశారు.ఎంపికైన కుటుంబాల్లో సొంతింటి కల నెరవేరుతుందన్న ఆనందం వ్యక్తమైంది.కార్యక్రమంలో మంచిర్యాల మున్సిపల్ కమిషనర్ అన్వేష్, మంచిర్యాల ఎంఆర్‌ఓ రఫతుల్లా, మున్సిపల్ కార్పొరేషన్ అసిస్టెంట్ కమిషనర్ రాజు, సంబంధిత అధికారులు, లబ్ధిదారులు తదితరులు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
