సౌర విద్యుత్‌పై అవగాహన కల్పించిన పటాన్‌చెరువు విద్యుత్ అధికారులు
వాస్తవ గమ్యం / తెలంగాణ / హైదరాబాదు : గ్రీన్ ఇండియాలో భాగంగా సౌర విద్యుత్ వినియోగాన్ని ప్రోత్సహించేందుకు పటాన్‌చెరువు విద్యుత్ డివిజన్‌ అధికారులు అవగాహన కార్యక్రమాన్ని నిర్వహించారు. ప్రజలు తమ ఇళ్లపై సోలార్‌ సిస్టమ్‌లను ఏర్పాటు చేసుకుని విద్యుత్ ఖర్చులను తగ్గించుకోవడంతో పాటు పర్యావరణ పరిరక్షణకు సహకరించాలని అధికారులు సూచించారు.ఈ కార్యక్రమంలో పలు సోలార్‌ సంస్థల ప్రతినిధులను అధికారులు పాల్గొని, సోలార్‌ సిస్టమ్‌ ఏర్పాటు విధానం, ప్రభుత్వ సబ్సిడీ, నిర్వహణ, విద్యుత్ బిల్లులపై ప్రభావం తదితర అంశాలపై ప్రజలకు వివరించారు. కేంద్ర ప్రభుత్వ ‘ప్రధాన మంత్రి సూర్య ఘర్: ముఫ్త్‌ బిజ్లీ యోజన’ ద్వారా అందుబాటులో ఉన్న ప్రయోజనాలను కూడా వివరించారు.సోలార్‌ సిస్టమ్‌ ఇప్పటికే వినియోగిస్తున్న పలువురు వినియోగదారులు తమకు ఎదురవుతున్న సమస్యలను అధికారుల దృష్టికి తీసుకెళ్లగా, సంబంధిత అధికారులు వాటిపై సమాధానాలు అందించారు. సాంకేతిక సమస్యలు, విద్యుత్ కనెక్షన్‌, నెట్‌ మీటరింగ్‌ తదితర అంశాలపై కూడా అవగాహన కల్పించారు.ఇళ్లపై సౌర విద్యుత్ వ్యవస్థలను ఏర్పాటు చేసుకోవడం ద్వారా విద్యుత్ పొదుపుతో పాటు పర్యావరణ పరిరక్షణకు ప్రతి ఒక్కరూ భాగస్వాములు కావాలని అధికారులు పిలుపునిచ్చారు. ఈ కార్యక్రమంలో పఠాన్ చెరువు డి ఈ భాస్కర్, ఏ డి ఈ సంజయ్, రామచంద్రాపురం ఏడిఈ నాగరాజు రావు, బొల్లారం ఏ డి ఈ కళ్యాణి, ఏడిఈ ఐసిఎస్ఈ ఉమారాణి, నియోజకవర్గ పరిధిలోని ఏఈలు సబ్ ఇంజనీర్లు, ఓ ఎం స్టాప్ తో పాటు, వినియోగదారులు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
