ఘనంగా 6వ రాష్ట్ర స్థాయి కరాటే చాంపియన్‌షిప్ పోటీలు ప్రారంభం
వాస్తవ గమ్యం / తెలంగాణ / మంచిర్యాల : బెల్లంపల్లి మండలం సోమగూడెంలోని త్రినేత్రి ఫంక్షన్ హాల్‌లో ఆదివారం 6వ రాష్ట్ర స్థాయి కరాటే చాంపియన్‌షిప్ పోటీలు అత్యంత వైభవంగా ప్రారంభమయ్యాయి. కుందేళ్ళ రవి ఆధ్వర్యంలో నిర్వహించిన ఈ రాష్ట్ర స్థాయి పోటీలకు కరాటే మాస్టర్లు, విద్యార్థులు, వారి తల్లిదండ్రులు కలిపి 600 మందికి పైగా హాజరయ్యారు.ఈ కార్యక్రమానికి మందమర్రి సింగరేణి జీఎం రాధాకృష్ణ, టీపీసీసీ రాష్ట్ర ప్రచార కమిటీ కన్వీనర్ నాతరి స్వామి, కమిటీ అధ్యక్షులు మల్లేష్ ముఖ్య అతిథులుగా విచ్చేశారు. జ్యోతి ప్రజ్వలన చేసి, రిబ్బన్ కట్ చేయడం ద్వారా అతిథులు లాంఛనంగా పోటీలను ప్రారంభించారు. ఈ సందర్భంగా ముఖ్య అతిథులు మాట్లాడుతూ.ప్రస్తుత రోజుల్లో ప్రతి ఒక్కరికీ, ముఖ్యంగా చిన్నారులకు ఆత్మరక్షణ కోసం కరాటే శిక్షణ ఎంతో అవసరమని పేర్కొన్నారు. ఇలాంటి మార్షల్ ఆర్ట్స్ శిక్షణ వల్ల విద్యార్థులు క్రమశిక్షణ అలవరుచుకుని,చెడు వ్యసనాలకు దూరంగా ఉంటారని తెలిపారు. శారీరక దృఢత్వంతో పాటు మానసిక ఉల్లాసానికి క్రీడలు ఎంతగానో ఉపయోగపడతాయని అన్నారు. అదే సమయంలో క్రీడలతో పాటు విద్యకు కూడా మొదటి ప్రాధాన్యత ఇవ్వాలని సూచించారు. కష్టపడి సాధన చేసి జిల్లా, రాష్ట్ర, జాతీయ స్థాయిలలో రాణించి తల్లిదండ్రులకు, శిక్షణ ఇచ్చిన గురువులకు, ఈ ప్రాంతానికి మంచి గుర్తింపు తీసుకురావాలని ఆకాంక్షించారు. ఇంతటి ప్రతిష్టాత్మక రాష్ట్ర స్థాయి పోటీలను బెల్లంపల్లి ప్రాంతంలో విజయవంతంగా నిర్వహిస్తున్నందుకు మాస్టర్ కుందేళ్ళ రవిని అతిథులు ప్రత్యేకంగా అభినందించారు.
Admin
వాస్తవ గమ్యం
మరిన్ని వార్తలు
Developed By :
