ఆసిఫాబాద్ మున్సిపాలిటీలో రోడ్లు, డ్రైనేజీ పనుల పరిశీలన
వాస్తవ గమ్యం / తెలంగాణ / ఆసిఫాబాద్ : కొమరంభీమ్, ఆసిఫాబాద్,ఆసిఫాబాద్ మున్సిపాలిటీ పరిధిలోని 17, 18, 5, 11వ వార్డుల్లో నెలకొన్న రోడ్లు, డ్రైనేజీ సమస్యలను మున్సిపల్ చైర్మన్ ఆకేశ్, వైస్ చైర్మన్ హమీద్, మున్సిపల్ ఫ్లోర్ లీడర్ అబ్దుల్లా, 11వ వార్డు కౌన్సిలర్ రాపర్తి కార్తీక్ క్షేత్రస్థాయిలో పరిశీలించారు.ఈ సందర్భంగా ఆయా వార్డుల్లోని కాలనీల్లో ప్రజలు ఎదుర్కొంటున్న రహదారులు, డ్రైనేజీ సమస్యలను వారు స్వయంగా పరిశీలించి, వాటి పరిష్కారానికి చేపట్టాల్సిన అభివృద్ధి పనులపై చర్చించారు. రోడ్లు, డ్రైనేజీ వ్యవస్థ సక్రమంగా ఉండేలా చర్యలు తీసుకో వాలని,కాలనీవాసులకు ఎలాంటి ఇబ్బందులు కలగకుండా సమస్యలను పరిష్కరించాలని సూచించారు.మున్సిపాలిటీ పరిధిలో ప్రజలకు మెరుగైన మౌలిక వసతులు కల్పించడమే లక్ష్యమని, వార్డుల్లో నెలకొన్న సమస్యలను గుర్తించి వాటి పరిష్కారానికి కృషి చేస్తామని ఈ సందర్భంగా వారు తెలిపారు. ప్రజలకు అవసరమైన రహదారులు, డ్రైనేజీ సౌకర్యాలను మెరుగుపరిచేందుకు ప్రాధాన్యం ఇస్తామని పేర్కొన్నారు.ఈ కార్యక్రమంలో కాంగ్రెస్ పార్టీ నాయకులు అమన్, నిఖిల్‌తో పాటు ఆయా కాలనీలకు చెందిన స్థానికులు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
