అంత్యోదయమే లక్ష్యంగా దీన్‌దయాళ్ ఉపాధ్యాయ సేవలు
రఘునాథ్ వెరబెల్లి
వాస్తవ గమ్యం / తెలంగాణ / మంచిర్యాల : పండిత్ దీన్‌దయాళ్ ఉపాధ్యాయ జయంతిని పురస్కరించుకుని మంచిర్యాల జిల్లా బీజేపీ కార్యాలయంలో ఘనంగా నివాళులర్పించారు.బీజేపీ రాష్ట్ర ఉపాధ్యక్షులు రఘునాథ్ వెరబెల్లి ఆధ్వర్యంలో పార్టీ నాయకులు, కార్యకర్తలు దీన్‌దయాళ్ ఉపాధ్యాయ చిత్రపటానికి పూలమాలలు వేసి ఆయన సేవలను స్మరించుకున్నారు.ఈ సందర్భంగా రఘునాథ్ వెరబెల్లి మాట్లాడుతూ, పండిత్ దీన్‌దయాళ్ ఉపాధ్యాయ దేశం, సమాజం పట్ల అంకితభావంతో పనిచేసిన గొప్ప నాయకుడని అన్నారు. సమాజంలోని చివరి వ్యక్తి అభ్యున్నతే లక్ష్యంగా ఏకాత్మ మానవతావాదం, అంత్యోదయ సిద్ధాంతాలను ప్రతిపాదించి ప్రజా సంక్షేమానికి మార్గదర్శక ఆలోచనలను అందించారని పేర్కొన్నారు. దేశ అభివృద్ధి ఫలాలు సమాజంలోని ప్రతి వర్గానికి చేరాలని ఆయన ఆకాంక్షించారని తెలిపారు.పేదలు, బడుగు బలహీన వర్గాల సంక్షేమం, సామాజిక సమానత్వం, దేశ సేవకు సంబంధించిన దీన్‌దయాళ్ ఉపాధ్యాయ ఆలోచనలు నేటి తరానికి కూడా స్ఫూర్తినిస్తాయని రఘునాథ్ వెరబెల్లి అన్నారు. ఆయన ఆశయాలను కేవలం జయంతి కార్యక్రమాలకే పరిమితం చేయకుండా ప్రజా సేవలో ఆచరణలో పెట్టాల్సిన అవసరం ఉందని పేర్కొన్నారు. సమాజంలోని అట్టడుగు వర్గాల సమస్యలను గుర్తించి వారి అభ్యున్నతికి కృషి చేయడం ద్వారా దీన్‌దయాళ్ ఉపాధ్యాయకు నిజమైన నివాళి అర్పించినట్లవుతుందని అన్నారు. పేదల సంక్షేమం, ప్రజా సేవ, దేశ అభివృద్ధి కోసం ప్రతి ఒక్కరూ తమవంతు బాధ్యతగా పనిచేయాలని పార్టీ శ్రేణులకు పిలుపునిచ్చారు.ఈ కార్యక్రమంలో కార్పొరేటర్ కస్తూరి నాగరాజు, అమిరిశెట్టి రాజ్‌కుమార్, రంగ శ్రీశైలం, కుర్రే చక్రవర్తి, పట్టి వెంకటకృష్ణ, వంగపల్లి వెంకటేశ్వర్‌రావు, నాంపల్లి శ్రీనివాస్, వైద్య శ్రీధర్, ముదాం మల్లేష్, అర్ణకొండ శ్రీనివాస్, బల్ల రవి, రెడ్డిమళ్ల అశోక్, కొండ వెంకటేష్, తరుణ్ సింగ్‌తో పాటు బీజేపీ నాయకులు, కార్యకర్తలు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
