54 మందికి ఉచిత కంటి ఆపరేషన్లు విజయవంతం.
వాస్తవ గమ్యం / తెలంగాణ / మంచిర్యాల : తేది.20.07.2026 సోమవారం చెన్నూర్ లయన్స్ క్లబ్ ఆధ్వర్యంలో కరీంనగర్ రేకుర్తి ఉదార నేత్ర వైద్యశాల సౌజన్యంతో, వైస్ చైర్మన్ లయన్ చిదుర సురేష్ సహకారంతో మైనారిటీ ఫంక్షన్ హాల్ లో నిర్వహించిన ఉచిత నేత్ర వైద్య శిబిరం లో కంటి ఆపరేషన్ అవసరం ఉన్న 54 మందికి ఉచితంగా కంటి ఆపరేషన్లు నిర్వహించారు. వారికి బుధవారం చెన్నూర్ కు తీసుకువచ్చి వారి స్వస్థలాలకు పంపామని చెన్నూర్ లయన్స్ క్లబ్ అధ్యక్షుడు లయన్ నిమ్మల సాగర్ తెలిపారు. ఈ సందర్భంగా జరిగిన సమావేశంలో కంటి ఆపరేషన్స్ అయిన వారి క్షేమ సమాచారం తెలుసుకున్నారు. వారికి కంటికి తీసుకోవలసిన జాగ్రత్తలు తెలియజేసి రేకుర్తి డాక్టర్లు చెప్పిన విధంగా చుక్కల మందులు వాడాలని, తేది.27.07.2026 సోమవారం నాడు తప్పకుండా రేకుర్తి కంటి ఆసుపత్రికి వెళ్లాలని కోరారు. ఈ సందర్భంగా ఐ పేషంట్లకు బ్రెడ్ పంపిణి చేశారు. ఐ పేషంట్లు ఆనందంతో మాట్లాడుతూ మా లాంటి నిరుపేదలకు ఇంత గొప్ప సేవ చేస్తూన్న రేకుర్తి కంటి ఆసుపత్రి యాజమాన్యానికి, డాక్టర్లకు మరియు చెన్నూర్ లయన్స్ క్లబ్ కు ధన్యవాదాలు తెలిపారు.ఈ కార్యక్రమంలో జోన్ ఛైర్పర్సన్ లయన్ జాడి తిరుపతి, క్లబ్ కోశాధికారి లయన్ సౌడం శ్రీనివాస్, సభ్యులు జక్కుల సత్యనారాయణ,ఎన్నాం సతీష్ తదితరులు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
