ధర్మ జాగరణ ఆధ్వర్యంలో ఘనంగా గ్రామ దేవాలయ అర్చక శిక్షణా తరగతులు ప్రారంభం
వాస్తవ గమ్యం / తెలంగాణ / మంచిర్యాల : ధర్మ జాగరణ తెలంగాణ ప్రాంతం, మంచిర్యాల జిల్లా కరీంనగర్ విభాగం గ్రామ దేవాలయ అర్చక పరిషత్ సంయుక్త ఆధ్వర్యంలో గ్రామ దేవాలయ అర్చక శిక్షణా తరగతులు ఘనంగా ప్రారంభమయ్యాయి.ఈ శిక్షణా తరగతులు సెప్టెంబర్ 27,2026 నుండి అక్టోబర్ 03,2026 వరకు వారం రోజుల పాటు కొనసాగనున్నాయి.మంచిర్యాల జిల్లాలోని మందమర్రి మార్కెట్ లోగల శ్రీ హరిహర అయ్యప్ప దేవాలయంలో ఈ శిక్షణను నిర్వహిస్తున్నారు.గ్రామీణ ప్రాంతాల్లోని ఆలయాల్లో ధూప,దీప,నైవేద్యాలు సక్రమంగా నిర్వహించడంతో పాటు ఆగమ శాస్త్రోక్తంగా పూజా విధానాలు,సంప్రదాయాలపై అర్చకులకు ఈ తరగతుల్లో సమగ్ర శిక్షణ అందించనున్నారు. గ్రామ దేవాలయాల ప్రాముఖ్యతను కాపాడటం,హిందూ ధర్మ పరిరక్షణే లక్ష్యంగా ఈ కార్యక్రమం చేపట్టామని నిర్వాహకులు తెలిపారు.ఈ కార్యక్రమంలో పలువురు ప్రముఖులు,అర్చకులు, భక్తులు పాల్గొన్నారు.
Admin
వాస్తవ గమ్యం
మరిన్ని వార్తలు
Developed By :
