కేసరి అంజనేయులు గౌడ్కు ట్రైన్ ది ట్రైనర్ సర్టిఫికెట్
వాస్తవ గమ్యం / తెలంగాణ / ఆసిఫాబాద్ : ఇంపాక్ట్ క్లబ్ ఇంటర్నేషనల్ ఆధ్వర్యంలో నిర్వహించిన ట్రైన్ ది ట్రైనర్ కార్యక్రమాన్ని విజయవంతంగా పూర్తి చేసిన కేసరి అంజనేయులు గౌడ్కు శిక్షణ పూర్తి చేసిన ధ్రువీకరణ పత్రాన్ని అందజేశారు. నిర్మల్లో నిర్వహించిన మెగా ఇంపాక్ట్ కార్యక్రమంలో ఇంపాక్ట్ క్లబ్ ఇంటర్నేషనల్ ఫౌండర్ డా. గంపా నాగేశ్వరరావు, రీజియన్-19 అధ్యక్షులు వాడేకర్ లక్ష్మణ్ సమక్షంలో సర్టిఫికెట్ అందుకున్నారు. ఈ శిక్షణ ద్వారా యువత, విద్యార్థులు, ఉద్యోగులు, వ్యాపారవేత్తలకు శిక్షణ, సంభాషణా నైపుణ్యాలు, ప్రేరణ, నాయకత్వ వికాసంపై మార్గదర్శకత్వం అందించేందుకు అవసరమైన నైపుణ్యాలను అభివృద్ధి చేసుకున్నట్లు అంజనేయులు గౌడ్ తెలిపారు. విద్యార్థులు, యువతలో ఆత్మవిశ్వాసం, నాయకత్వ లక్షణాలు, లక్ష్యసాధన, వ్యక్తిత్వ వికాసాన్ని పెంపొందించడమే తన లక్ష్యమన్నారు. “ఇంటికొక వక్త.. ఊరికొక శిక్షకుడు” లక్ష్యంతో సమాజంలో సానుకూల మార్పు కోసం కృషి చేస్తానని పేర్కొన్నారు.
Reporter
వాస్తవ గమ్యం
మరిన్ని వార్తలు
Developed By :
