సింగరేణి లాభాలు వెంటనే ప్రకటించాలి: టీబీజికేఎస్
వాస్తవ గమ్యం / తెలంగాణ / మంచిర్యాల : సింగరేణి సంస్థకు 2025-26 ఆర్థిక సంవత్సరంలో వచ్చిన లాభాలను వెంటనే ప్రకటించి, కార్మికులకు 40 శాతం లాభాల వాటా చెల్లించాలని TBGKS బెల్లంపల్లి ఏరియా కమిటీ డిమాండ్ చేసింది. బుధవారం గోలేటిలోని TBGKS కార్యాలయంలో వైస్ ప్రెసిడెంట్ మల్రాజు శ్రీనివాసరావు అధ్యక్షతన సమావేశం జరిగింది.ఈ సందర్భంగా ఆయన మాట్లాడుతూ 2024-25లో సింగరేణి లాభాల్లో అభివృద్ధి నిధుల పేరుతో భారీ మొత్తాన్ని పక్కన పెట్టి కార్మికులకు తక్కువ వాటా చెల్లించారని, ఈసారి ఎలాంటి మినహాయింపులు లేకుండా మొత్తం లాభాల్లో 40 శాతం కార్మికులకు ఇవ్వాలని కోరారు. కాంట్రాక్టు కార్మికులకు రూ.25 వేల చొప్పున ఏకమొత్తంగా చెల్లించాలని డిమాండ్ చేశారు.అలాగే 12వ వేతన ఒప్పందాన్ని వెంటనే అమలు చేయాలని, అర్హులైన వారికి మెడికల్ బోర్డు నిర్వహించి ఆన్‌ఫిట్ చేయాలని కోరారు. హైదరాబాద్‌లో సింగరేణి ఆధ్వర్యంలో సూపర్ స్పెషాలిటీ ఆసుపత్రి ఏర్పాటు చేసి కార్మికులు, మాజీ కార్మికులకు మెరుగైన వైద్యం అందించాలని డిమాండ్ చేశారు. పెండింగ్‌లో ఉన్న జూనియర్ అసిస్టెంట్ పరీక్షలను వెంటనే నిర్వహించాలని తీర్మానించారు.సమావేశంలో కేంద్ర, ఏరియా కమిటీ నాయకులు ధరావత్ మంగీలాల్, ఆనుముల సత్యనారాయణ, సంపతి తిరుపతి, ఓరం కిరణ్, కైత స్వామి, వంగ మహేందర్, కోగిలాల రవీందర్, సంపత్ రావు, అనీష్, సంగీ ప్రశాంత్, గుంట వెంకటేష్ తదితరులు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
