కష్టాలను హరించే పవిత్ర 'సంకష్టహర చతుర్థి'!
ఈ రోజు ఇలా పూజిస్తే సకల విజయాలు
వాస్తవ గమ్యం / తెలంగాణ / మంచిర్యాల : జీవితంలో వచ్చే ఎలాంటి విఘ్నాలనైనా తొలగించి,నమ్మిన వారిని చల్లగా చూసే ఆ విఘ్నేశ్వరుడికి అత్యంత ప్రీతికరమైన రోజు "సంకష్టహర చతుర్థి". "సంకట" అంటే కష్టాలు, "హర" అంటే తొలగించడం. అంటే మన కష్టాలన్నింటినీ మంచులా కరిగించే పర్వదినమే ఈ రోజు.ఈ పవిత్ర రోజున వినాయకుడిని భక్తిశ్రద్ధలతో పూజిస్తే లభించే ఫలితాలు,పూజా విధానం మీకోసం.ఉదయమే తలస్నానం చేసి, పూజా మందిరంలో స్వామివారికి దీపారాధన చేయాలి.గణనాథునికి ఎంతో ఇష్టమైన గరిక,ఎర్రటి పూలతో పూజించి.కుడుములు, మోదకాలు నైవేద్యంగా సమర్పించాలి.ఈ రోజు ఉదయం నుండి ఉపవాసం ఉండి, రాత్రి చంద్ర దర్శనం చేసుకుని, చంద్రుడికి అర్ఘ్యం ఇచ్చిన తర్వాతే ఉపవాసాన్ని విరమించడం ఈ వ్రతం యొక్క ముఖ్య నియమం.సంకష్ట చతుర్థి వ్రతాన్ని ఆచరించడం వల్ల ఇంట్లోని నకారాత్మక శక్తులు తొలగిపోయి, ప్రశాంతత లభిస్తుంది. ముఖ్యంగా వ్యాపారాల్లో ఆటంకాలు తొలగడం, ఉద్యోగంలో ప్రమోషన్లు రావడం, దీర్ఘకాలిక సమస్యల నుండి ఉపశమనం లభించడం వంటి శుభ ఫలితాలు కలుగుతాయి. "వక్రతుండ మహాకాయ సూర్యకోటి సమప్రభ.నిర్విఘ్నం కురుమే దేవ సర్వకార్యేషు సర్వదా"ఆ విఘ్ననాయకుడి కృపాకటాక్షాలతో మీ జీవితంలోని కష్టాలన్నీ తొలగిపోవాలని ఆశిస్తూ.భక్తులందరికీ సంకష్టహర చతుర్థి శుభాకాంక్షలు!
Admin
వాస్తవ గమ్యం
మరిన్ని వార్తలు
Developed By :
