కాంట్రాక్టు కార్మికులకు రూ.25 వేల లాభాల వాటా ఇవ్వాలి
వాస్తవ గమ్యం / తెలంగాణ / ఆసిఫాబాద్ : సింగరేణి బెల్లంపల్లి ఏరియాలోని వివిధ విభాగాల్లో పనిచేస్తున్న కాంట్రాక్టు కార్మికులకు లాభాల వాటా కింద కనీసం రూ.25 వేలు చెల్లించాలని డిమాండ్ చేస్తూ తెలంగాణ బొగ్గుగని కాంట్రాక్టు కార్మిక సంఘం ఆధ్వర్యంలో బుధవారం ఏరియా జీఎం ఎం. శ్రీరమేష్‌కు మెమోరాండం అందజేశారు. సంఘం బెల్లంపల్లి ఏరియా అధ్యక్షుడు అంబాల ఓదెలు మాట్లాడుతూ సింగరేణి బొగ్గు ఉత్పత్తిలో కాంట్రాక్టు కార్మికులు శాశ్వత కార్మికులతో సమానంగా పనిచేస్తున్నారని తెలిపారు. 2024లో శాశ్వత కార్మికులకు 33 శాతం లాభాల వాటా చెల్లించగా కాంట్రాక్టు కార్మికులకు రూ.5 వేలు, 2025లో శాశ్వత కార్మికులకు 34 శాతం చెల్లించగా కాంట్రాక్టు కార్మికులకు రూ.5,500 మాత్రమే ఇచ్చారని పేర్కొన్నారు. ఈ ఏడాది కాంట్రాక్టు కార్మికుల పట్ల వివక్ష లేకుండా కనీసం రూ.25 వేల లాభాల వాటా చెల్లించాలని డిమాండ్ చేశారు. కార్యక్రమంలో నక్క ప్రభాకర్, ప్రవీణ్, ప్రేమ్, జగదీష్, కిరణ్, అంజి, పి. సాయి ప్రసాద్ తదితరులు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
