*వీధి దీపాల ఏర్పాటుకు ప్రత్యేక చొరవ పవర్‌గూడ, కాలేజ్‌గూడలో విద్యుత్ దీపాల ఏర్పాటు. .
సర్పంచ్ తొడసం రాజేందర్.
వాస్తవ గమ్యం / తెలంగాణ / ఆసిఫాబాద్ : జైనూర్ మండలంలోని పవర్‌గూడ గ్రామపంచాయతీ పరిధిలో ప్రజల సౌకర్యార్థం వీధి దీపాలను ఏర్పాటు చేశారు. పవర్‌గూడ, కాలేజ్‌గూడ గ్రామాల్లో వీధి దీపాల ఏర్పాటు పనులను సర్పంచ్ తొడసం రాజేందర్ స్వయంగా పర్యవేక్షించారు.విద్యుత్ కార్మికులతో కలిసి ఉండి దీపాల ఏర్పాటును దగ్గరుండి పూర్తి చేయించారు.ఈ సందర్భంగా సర్పంచ్ తొడసం రాజేందర్ మాట్లాడుతూ గ్రామాల్లో ప్రజలకు రాత్రివేళల్లో ఇబ్బందులు లేకుండా వీధి దీపాలను ఏర్పాటు చేస్తున్నామని తెలిపారు. ప్రజల భద్రత, సౌకర్యానికి ప్రాధాన్యం ఇస్తూ గ్రామపంచాయతీ పరిధిలో అవసరమైన ప్రాంతాలను గుర్తించి దశలవారీగా వీధి దీపాలు ఏర్పాటు చేస్తామని పేర్కొన్నారు.వీధి దీపాల ఏర్పాటుతో రాత్రివేళల్లో రాకపోకలు సాగించే ప్రజలకు ఇబ్బందులు తగ్గడంతో పాటు గ్రామాల్లో వెలుగులు మెరుగుపడతాయని స్థానికులు తెలిపారు.ప్రజలకు అవసరమైన మౌలిక సదుపాయాల కల్పనలో గ్రామపంచాయతీ మరింత చొరవ చూపాలని వారు కోరారు.
Reporter
వాస్తవ గమ్యం
మరిన్ని వార్తలు
Developed By :
