ఆసిఫాబాద్ వైద్య విద్యార్థుల ధర్నా వేతనం పెంపు కోసం
వాస్తవ గమ్యం / తెలంగాణ / ఆసిఫాబాద్ : ఒకే విధమైన వైద్య సేవలు అందిస్తున్న తమకు స్టైపెండ్‌లో తీవ్ర వ్యత్యాసం ఎందుకని ఫారిన్ మెడికల్ గ్రాడ్యుయేట్స్ (ఎఫ్ఎంజి) ప్రశ్నిస్తున్నారు. ఆసిఫాబాద్ ప్రభుత్వ జనరల్ ఆసుపత్రి (జిజిహెచ్) పరిధిలో పనిచేస్తున్న ఎఫ్ఎంజి తమకు కూడా సమాన స్టైపెండ్ అందించాలని డిమాండ్ చేస్తున్నారు. తమకు నెలకు కేవలం రూ.5,000 మాత్రమే స్టైపెండ్‌గా చెల్లిస్తున్నారని,అదే సమయంలోఐఎంజి కు నెలకు రూ.29,792 అందుతోందని వారు పేర్కొంటున్నారు.అన్ని పరీక్షలు పూర్తి చేసి, వైద్య సేవలు అందిస్తున్నప్పటికీ తమకు ఇంత తక్కువ మొత్తం ఇవ్వడం అన్యాయమని ఆవేదన వ్యక్తం చేస్తున్నారు.నెలకు రూ.5,000తో ప్రయాణం, భోజనం, ఇతర రోజువారీ ఖర్చులు భరించడం కష్టంగా మారిందని తెలిపారు. ఒకే విధమైన విధులు నిర్వహిస్తున్నప్పుడు స్టైపెండ్‌లో వివక్ష చూపకుండా, తమకు కూడా ఐఎంజి తో సమానంగా రూ.29,792 చెల్లించాలని కోరుతున్నారు.సంబంధిత అధికారులు తమ సమస్యను పరిశీలించి, సమాన స్టైపెండ్ అందించేలా చర్యలు తీసుకో వాలని ఎఫ్ఎంజి విజ్ఞప్తి చేస్తున్నారు. ప్రభుత్వం స్పందించి తమకు న్యాయం చేయాలని కోరుతున్నారు.ఎఫ్ఎంజి ప్రధాన డిమాండ్: ప్రస్తుతం అందుతున్న నెలవారీ రూ.5,000 స్టైపెండ్‌ను ఐఎంజి కు అందుతున్న రూ.29,792కు సమానంగా పెంచాలి
Reporter
వాస్తవ గమ్యం
మరిన్ని వార్తలు
Developed By :
