గ్రామానికి దూరంగా ఎస్టీపీ నిర్మించాలి. అధికారులకు గ్రామస్తుల విజ్ఞప్తి
వాస్తవ గమ్యం / తెలంగాణ / హైదరాబాదు : తెల్లాపూర్ 263 డివిజన్ పరిధిలోని గ్రామంలో హెచ్‌ఎండీఏ, హెచ్‌ఎండబ్ల్యూఎస్‌ఎస్‌బీ అధికారులు ప్రతిపాదించిన నూతన మురుగునీటి శుద్ధి కేంద్రం (ఎస్టీపీ) నిర్మాణ స్థలంపై స్థానికులు తీవ్ర అభ్యంతరం వ్యక్తం చేస్తున్నారు. గ్రామానికి ఆనుకుని, నివాస గృహాలకు సమీపంలో ఎస్టీపీ ఏర్పాటుకు అధికారులు స్థల సేకరణ చేస్తుండటంతో గ్రామస్తుల్లో తీవ్ర ఆందోళన వ్యక్తమ వుతోంది.ఈ నేపథ్యంలో శుక్రవారం సంబంధిత అధికారులు స్థల పరిశీలనకు రాగా, గ్రామస్తులతో పాటు వివిధ రాజకీయ పార్టీల నాయకులు వారిని కలిసి అక్కడి పరిస్థితులను స్వయంగా వివరించారు. నివాసాల మధ్యలో ఎస్టీపీ నిర్మిస్తే దుర్వాసన, పర్యావరణ కాలుష్యం, రోగాల వ్యాప్తితో ప్రజలు తీవ్ర ఇబ్బందులు పడాల్సి వస్తుందని గ్రామస్తులు ఆవేదన వ్యక్తం చేశారు. అభివృద్ధి పనులకు తాము వ్యతిరేకం కాదని, అయితే స్థానిక ప్రజల ఆరోగ్యం, ప్రశాంతతను దృష్టిలో ఉంచు కుని ఎస్టీపీని గ్రామానికి కాస్త దూరంగా నిర్మానుష్య ప్రాంతంలో ఏర్పాటు చేయాలని అధికారులను కోరారు.ఈ కార్యక్రమంలో పలు పార్టీల ప్రజాప్రతినిధులు పాల్గొన్నారు.గ్రామస్తుల వినతిపై స్పందించిన అధికారులు.. స్థానిక సమస్యలను ఉన్నతా ధికారుల దృష్టికి తీసుకెళ్లి ప్రజలకు ఎలాంటి ఇబ్బంది కలగ కుండా తగిన చర్యలు తీసుకుంటామని హామీ ఇచ్చారు. స్థల మార్పిడి విషయంలో కూడా గ్రామస్తులు అధికారులకు సహకరించాలని కోరారు.
Reporter
వాస్తవ గమ్యం
మరిన్ని వార్తలు
Developed By :
