మంచిర్యాల జిల్లా ఎస్సీ సెల్ నూతన కార్యవర్గం ప్రకటన
వాస్తవ గమ్యం / తెలంగాణ / మంచిర్యాల : మంచిర్యాల జిల్లా కాంగ్రెస్ పార్టీ ఎస్సీ సెల్ నూతన కార్యవర్గాన్ని గురువారం ప్రకటించారు.గతంలో జరిగిన నియామకాన్ని రద్దు చేస్తూ తాజాగా నూతన కమిటీని ఏర్పాటు చేసినట్లు పార్టీ వర్గాలు వెల్లడించాయి. మంచిర్యాల ఎమ్మెల్యే కొక్కిరాల ప్రేమ్ సాగర్‌రావు సిఫార్సు మేరకు జిల్లా అధ్యక్షుడిని మినహాయించి మిగతా కార్యవర్గాన్ని పీసీసీ ఎస్సీ సెల్ ఆధ్వర్యంలో ఎంపిక చేసినట్లు తెలిపారు.జిల్లాలో ఎస్సీ సామాజిక వర్గానికి చెందిన ప్రజల సమస్యలను గుర్తించి వాటి పరిష్కారానికి కృషి చేయడం,ప్రభుత్వ సంక్షేమ పథకాలను అర్హులైన లబ్ధిదారులకు చేరేలా అవగాహన కల్పించడం, పార్టీ కార్యక్రమాలను క్షేత్రస్థాయిలో విస్తృతంగా నిర్వహించడం నూతన కార్యవర్గం ప్రధాన బాధ్యతగా పేర్కొన్నారు. గ్రామస్థాయి నుంచి జిల్లా స్థాయి వరకు ఎస్సీ వర్గాల నాయకులు, కార్యకర్తలను సమన్వయం చేసుకుంటూ పార్టీ బలోపేతానికి కృషి చేయాలని నాయకులు సూచించారు.ఎస్సీ వర్గాలకు సంబంధించిన విద్య, ఉపాధి, సంక్షేమం, సామాజిక న్యాయం తదితర అంశాలపై ప్రజల్లో అవగాహన కల్పిస్తూ వారి సమస్యలను పార్టీ దృష్టికి తీసుకెళ్లేలా నూతన కమిటీ పనిచేయాలని పేర్కొన్నారు. నూతన కార్యవర్గం బాధ్యతలు స్వీకరించిన అనంతరం జిల్లాలో పార్టీ కార్యక్రమాలను మరింత చురుగ్గా నిర్వహించేందుకు ప్రణాళిక రూపొందించనున్నట్లు పార్టీ వర్గాలు తెలిపాయి.
Reporter
వాస్తవ గమ్యం
మరిన్ని వార్తలు
Developed By :
