బీజేవైఎం జిల్లా ఉపాధ్యక్షుడిగా కేసరి అజయ్ గౌడ్
వాస్తవ గమ్యం / తెలంగాణ / ఆసిఫాబాద్ : ఆసిఫాబాద్ కొమరం భీమ్ ఆసిఫాబాద్ జిల్లా రెబ్బెన మండలం గోలేటి గ్రామానికి చెందిన కేసరి అజయ్ గౌడ్‌ను భారతీయ జనతా యువమోర్చా (బీజేవైఎం) జిల్లా ఉపాధ్యక్షుడిగా నియమించారు. ఈ సందర్భంగా అజయ్ గౌడ్ మాట్లాడుతూ తనపై నమ్మకంతో జిల్లా ఉపాధ్యక్షుడిగా బాధ్యతలు అప్పగించిన బీజేవైఎం జిల్లా అధ్యక్షుడు ఎలుగెతి సుచిత్‌కు కృతజ్ఞతలు తెలిపారు. తనకు అప్పగించిన బాధ్యతను పదవిగా కాకుండా యువతకు, ప్రజలకు సేవ చేసే అవకాశంగా భావిస్తున్నానని అజయ్ గౌడ్ అన్నారు. పార్టీ నాయకత్వం తనపై ఉంచిన నమ్మకాన్ని నిలబెట్టుకునేలా క్రమశిక్షణతో, అంకితభావంతో పనిచేస్తానని తెలిపారు. ప్రధానమంత్రి నరేంద్ర మోదీ నేతృత్వంలోని కేంద్ర ప్రభుత్వ అభివృద్ధి కార్యక్రమాలు, సంక్షేమ పథకాలపై గ్రామస్థాయిలో ప్రజలకు అవగాహన కల్పించేందుకు కృషి చేస్తానన్నారు. ప్రభుత్వ పథకాలు అర్హులైన ప్రజలకు చేరేలా అవగాహన కార్యక్రమాల్లో పాల్గొంటానని, యువతను సామాజిక సేవ, నాయకత్వం, దేశ నిర్మాణం వైపు ప్రోత్సహించేందుకు తన వంతు కృషి చేస్తానని అజయ్ గౌడ్ పేర్కొన్నారు. గ్రామస్థాయిలో యువత ఎదుర్కొంటున్న సమస్యలను గుర్తించి వాటి పరిష్కారం కోసం పార్టీ నాయకత్వంతో కలిసి పనిచేస్తానన్నారు.
Reporter
వాస్తవ గమ్యం
మరిన్ని వార్తలు
Developed By :
