కాంట్రాక్టు కార్మికులకు రూ.20 వేల లాభాల వాటా ఇవ్వాలి
వాస్తవ గమ్యం / తెలంగాణ / ఆసిఫాబాద్ : ఆసిఫాబాద్:సింగరేణి సంస్థ బెల్లంపల్లి ఏరియాలోని గోలేటి సీహెచ్‌పీ రైల్వే మెయింటెనెన్స్‌ కాంట్రాక్టు కార్మికులకు నూతన టెండర్‌ పిలిచి అందరికీ ఉపాధి కల్పించాలని, కాంట్రాక్టు కార్మికులకు రూ.20 వేల లాభాల వాటా చెల్లించాలని కోరుతూ ఏఐటీయూసీ ఆధ్వర్యంలో గురువారం బెల్లంపల్లి ఏరియా ఎస్ఓ టు జీఎం స్వామి రాజుకు వినతిపత్రం అందజేశారు. ఈ సందర్భంగా ఏఐటీయూసీ బెల్లంపల్లి రీజియన్‌ అధ్యక్షుడు భోగే ఉపేందర్‌ మాట్లాడుతూ సింగరేణిలో పనిచేస్తున్న కాంట్రాక్టు కార్మికులు, లారీ డ్రైవర్లు, క్లీనర్లు చాలీచాలని వేతనాలతో విధులు నిర్వహిస్తూ సంస్థ అభివృద్ధిలో, లాభాల సాధనలో కీలక పాత్ర పోషిస్తున్నారని అన్నారు. అయితే కార్మిక చట్టాలను సక్రమంగా అమలు చేయకపోవడంతో కాంట్రాక్టు కార్మికులు శ్రమదోపిడీకి గురవుతున్నారని ఆరోపించారు. గోలేటి సీహెచ్‌పీ రైల్వే మెయింటెనెన్స్‌ పనులకు వెంటనే నూతన టెండర్‌ పిలిచి ఇప్పటివరకు పనిచేస్తున్న కార్మికులందరికీ ఉపాధి కల్పించా లని,అలాగే కాంట్రాక్టు కార్మికులకు రూ.20 వేల లాభాల వాటా చెల్లించాలని ఏఐటీయూసీ నాయకులు డిమాండ్ చేశారు. యాజమాన్యం వెంటనే స్పందించి కార్మికుల సమస్యలను పరిష్కరించాలని కోరారు. కార్యక్రమంలో కాంట్రాక్టు కార్మికులు చల్లూరి రాజన్న, కిరణ్‌, మహేందర్‌, వినోద్‌ తదితరులు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
