మామూలు ముడితే కాంట్రాక్టర్ల ఇష్టారాజ్యమా..?
గిరిజన గ్రామంలో నాసిరకం అంగన్వాడీ నిర్మాణంపై ఆరోపణలు.
వాస్తవ గమ్యం / తెలంగాణ / ఆసిఫాబాద్ : కొమురం భీం ఆసిఫాబాద్ జిల్లా తిర్యాని మండలంలోని అర్జున్‌లొద్ది గ్రామంలో నిర్మిస్తున్న నూతన అంగన్వాడీ భవనం నాణ్యతపై గ్రామస్తులు తీవ్ర ఆరోపణలు చేస్తున్నారు. అధికారుల పర్యవేక్షణ లేకపోవడం, "మామూలు ముడితే కాంట్రాక్టర్ల ఇష్టారాజ్యం నడుస్తుందా?" అనే అనుమానాలు వ్యక్తం చేస్తున్నారు.గ్రామస్తుల ఆరోపణల ప్రకారం,నిర్మాణంలో నాసిరకం ఇసుకను వినియోగించడంతో పాటు సిమెంట్ తగిన మోతాదులో వేయలేదని, పిల్లర్ల నిర్మాణం కూడా నాణ్యతా ప్రమాణాలకు విరుద్ధంగా జరిగిందని చెబుతున్నారు. భవనం ప్రారంభానికి ముందే నిర్మాణ లోపాలు కనిపించడం తీవ్ర ఆందోళన కలిగిస్తోందని అంటున్నారు.ఇప్పుడే భవనం పరిస్థితి ఇలా ఉంటే, రేపు ఈ భవనంలో చిన్నారులు ఉంటే వారి ప్రాణాలకు ఎవరు బాధ్యత వహిస్తారు?అని గ్రామస్తులు ప్రశ్నిస్తున్నారు.గిరిజన ప్రాంతాల్లో నిర్మించే ప్రభుత్వ భవనాల విషయంలో అధికారులు తనిఖీలు చేయకుండా కాంట్రాక్టర్లను వదిలేస్తున్నారా అనే సందేహాలను వ్యక్తం చేస్తున్నారు. అంగన్వాడీ భవన నిర్మాణంపై వెంటనే సాంకేతిక విచారణ నిర్వహించి, నిర్మాణంలో లోపాలు ఉంటే బాధ్యులపై కఠిన చర్యలు తీసుకోవాలని గ్రామస్తులు డిమాండ్ చేస్తున్నారు. చిన్నారుల భద్రతకు ఎలాంటి ప్రమాదం లేకుండా నాణ్యతా ప్రమాణాలతో భవనాన్ని నిర్మించాలని కోరుతున్నారు.
Reporter
వాస్తవ గమ్యం
మరిన్ని వార్తలు
Developed By :
