ఇంటర్ ఫలితాల్లో మందమర్రి మెరుపు..
రాష్ట్ర స్థాయిలో గంగిపెల్లి సిరి అద్భుత ప్రతిభ!
వాస్తవ గమ్యం / తెలంగాణ / మంచిర్యాల : కృషి, పట్టుదల ఉంటే ఆకాశమే హద్దు అని నిరూపించింది మందమర్రి బిడ్డ గంగిపెల్లి సిరి. ఇటీవల విడుదలైన ఇంటర్మీడియట్ ఫలితాల్లో ఈమె అసాధారణ ప్రతిభను కనబరచి, మందమర్రి పట్టణ ఖ్యాతిని రాష్ట్ర స్థాయికి తీసుకెళ్లింది.మంచిర్యాల జిల్లా మందమర్రి పట్టణం శాంతినగర్‌కు చెందిన రాజేశం–పద్మ దంపతుల కుమార్తె సిరి, ఇంటర్మీడియట్ ప్రథమ సంవత్సర ఫలితాల్లో ప్రభంజనం సృష్టించింది. మొత్తం 470 మార్కులకు గాను 468 మార్కులు సాధించి, 'ఏ ' గ్రేడ్‌తో ఉత్తీర్ణత పొందింది.కేవలం రెండు మార్కులు మాత్రమే కోల్పోయి, రాష్ట్ర స్థాయి టాపర్ల సరసన నిలిచింది.ప్రస్తుతం హైదరాబాద్‌లో విద్యనభ్యసిస్తున్న సిరి, చిన్ననాటి నుంచే చదువులో ముందుండేది. నిరంతర శ్రమ, క్రమశిక్షణే తన విజయ రహస్యమని ఆమె నిరూపించింది. ఈ సందర్భంగా స్థానికులు, విద్యావేత్తలు సిరిని అభినందిస్తూ.. ఆమె విజయం మరెంతో మంది విద్యార్థులకు స్ఫూర్తిదాయకమని కొనియాడారు. పట్టుదలతో చదివితే లక్ష్యాలు తప్పకుండా సాధ్యమవుతాయని సిరి నిరూపించిందని, భవిష్యత్తులో ఆమె మరిన్ని ఉన్నత శిఖరాలను అధిరోహించాలని పట్టణ ప్రజలు ఆకాంక్షిస్తున్నారు.
Admin
వాస్తవ గమ్యం
మరిన్ని వార్తలు
Developed By :
