పోషకాహారంతోనే ఆరోగ్యం
వాస్తవ గమ్యం / తెలంగాణ / ఆసిఫాబాద్ : ఆసిఫాబాద్:పోషకాహారం తీసుకోవడం ద్వారానే ప్రతి ఒక్కరూ ఆరోగ్యంగా, చురుకుదనంగా ఉంటారని గోలేటి సర్పంచ్ ఏ. బాబురావు అన్నారు. గురువారం తక్కళ్లపల్లి,గోలేటి గ్రామ పంచాయతీల పరిధిలో పోషకాహార మాసోత్సవం సందర్భంగా ఏర్పాటు చేసిన కార్యక్రమంలో ఆయన మాట్లాడారు. జంక్‌ఫుడ్‌తో పాటు చక్కెర, ఉప్పు అధికంగా ఉండే పదార్థాల వినియోగాన్ని తగ్గించాలని సూచించారు. చిన్న వయసు నుంచే పిల్లలకు మంచి ఆహారపు అలవాట్లను నేర్పించాలని,గర్భిణీలు, బాలింతలు, చిన్నారులు పోషకాహారంపై ప్రత్యేక శ్రద్ధ వహించా లని బాబురావు సూచించారు. సమతుల్య ఆహారం తీసుకో వడం వల్ల పిల్లల శారీరక, మానసిక ఎదుగుదలకు తోడ్పడు తుందని తెలిపారు.ఈ సందర్భంగా చిన్నారులకు అన్నప్రాశనతో పాటు అక్షరాభ్యాస కార్యక్రమాలను నిర్వహించారు. ఈ కార్యక్ర మంలో సీడీపీఓ రేణుక, ఏసీడీపీఓ ప్రియదర్శిని, వైద్యాధికారి రిషిక, సూపర్‌వైజర్లు శిరీష, కళావతి, అంగన్వాడీ టీచర్లు తదితరులు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
