మట్టి వినాయకుడితో పర్యావరణ సందేశం.
రాక్ స్టార్ యూత్‌కు ఎస్సై ఉదయ్ కుమార్ అభినందనలు..
వాస్తవ గమ్యం / తెలంగాణ / జగిత్యాల్ : పర్యావరణ పరిరక్షణకు వినాయక చవితి వేడుకలను అనుసంధానిస్తూ మండలంలోని గోడిశెలపేట గ్రామంలో రాక్ స్టార్ యూత్ వినూత్న సందేశాన్ని చాటింది. పర్యావరణహితమైన మట్టి వినాయకుడిని ప్రతిష్ఠించి నిత్యం భక్తిశ్రద్ధలతో పూజలు నిర్వహిస్తున్న యువత, శనివారం ఘనంగా అన్నప్రసాద వితరణ కార్యక్రమాన్ని చేపట్టింది. ఈ కార్యక్రమానికి వెల్గటూర్ ఎస్సై పి. ఉదయ్ కుమార్, స్థానిక సర్పంచ్ కందికట్ల అమృత రాజేష్ ముఖ్య అతిథులుగా హాజరయ్యారు. మట్టి వినాయకుడిని పరిశీలించిన వారు, పర్యావరణ పరిరక్షణకు దోహదపడేలా మట్టి విగ్రహాన్ని ఏర్పాటు చేసిన రాక్ స్టార్ యూత్ సభ్యులను ప్రత్యేకంగా అభినందించారు.ఈ సందర్భంగా ఎస్సై ఉదయ్ కుమార్ మాట్లాడుతూ.. వినాయక నిమజ్జన వేడుకల్లో యువత సంయమనం పాటించాలని పిలుపునిచ్చారు. డీజేలు, అధిక శబ్దాలతో ఇతరులకు అసౌకర్యం కలిగించకుండా భక్తిశ్రద్ధలతో భజనలు, ఆధ్యాత్మిక కార్యక్రమాల మధ్య నిమజ్జనం పూర్తి చేయాలని సూచించారు. ఎలాంటి అవాంఛనీయ సంఘటనలు జరగకుండా పండుగను ప్రశాంత వాతావరణంలో జరుపుకోవాలని కోరారు.ఈ వేడుకల్లో రాక్ స్టార్ యూత్ సభ్యులు, గ్రామ యువతతో పాటు పెద్ద సంఖ్యలో భక్తులు పాల్గొన్నారు
Reporter
వాస్తవ గమ్యం
మరిన్ని వార్తలు
Developed By :
