రాబోయే రోజుల్లో తాగునీటి సమస్యలు తలెత్తకుండా ముందస్తు చర్యలు కలెక్టర్ కె హరిత
వాస్తవ గమ్యం / తెలంగాణ / ఆసిఫాబాద్ : కుమురం భీం ఆసిఫాబాద్ జిల్లాలో రాబోయే రోజుల్లో తాగునీటి సమస్యలు తలెత్తకుండా ముందస్తు చర్యలు చేపడుతున్నట్లు జిల్లా కలెక్టర్ కె. హరిత తెలిపారు. రాష్ట్ర ప్రభుత్వ ప్రధాన కార్యదర్శి సంజయ్ జాజు నిర్వహించిన ఉన్నతస్థాయి వీడియో కాన్ఫరెన్స్‌లో పాల్గొన్న కలెక్టర్.జిల్లాలో వర్షపాతం,వ్యవసాయం , తాగునీటి పరిస్థితులపై సమగ్ర నివేదికను అందజేశారు.ఈ సందర్భంగా కలెక్టర్ మాట్లాడుతూ.జిల్లాలోని 13 మండలాల్లో సాధారణ వర్షపాతం నమోదైందని, కేవలం రెండు మండలాల్లో మాత్రమే స్వల్ప వర్షపాతం లోటు ఉన్నట్లు వెల్లడించారు. ప్రజలకు ఎట్టి పరిస్థితుల్లోనూ తాగునీటి ఇబ్బందులు కలగ కుండా ప్రత్యేక కార్యాచరణ అమలు చేస్తున్నట్లు పేర్కొన్నారు. వ్యవసాయానికి నిరంతర విద్యుత్ రాబోయే రోజుల్లో తాగునీటి కొరత ఏర్పడకుండా ముందస్తు ప్రణాళికలు సిద్ధం చేస్తున్నామని కలెక్టర్ తెలిపారు. వ్యవసాయ రంగానికి ఎలాంటి అంతరాయం కలగకుండా నిరంతర విద్యుత్ సరఫరా అందేలా చర్యలు తీసుకుంటున్నట్లు వివరించారు.వలసల నివారణకు ఉపాధి హామీ పనులు.గ్రామీణ ప్రాంతాల్లో కూలీల వలసలను నివారిం చేందుకు స్థానికంగా ఉపాధి హామీ పనులను ముమ్మరం చేస్తున్నట్లు తెలిపారు. అదే విధంగా పశువులకు మేత కొరత ఏర్పడకుండా ముందస్తుగా పశుగ్రాసాన్ని అందుబాటులో ఉంచేందుకు అవసరమైన ఏర్పాట్లు చేస్తున్నామని పేర్కొన్నారు. ప్రభుత్వ ఆదేశాల మేరకు అన్ని శాఖల అధికారులతో సమన్వ యం చేసుకుంటూ ప్రజా సంక్షేమానికి ప్రాధాన్యతనిస్తూ చర్యలు చేపడుతున్నట్లు జిల్లా కలెక్టర్ కె. హరిత స్పష్టం చేశారు.
Reporter
వాస్తవ గమ్యం
మరిన్ని వార్తలు
Developed By :
