సేవా జ్యోతి కార్యక్రమాన్ని విజయవంతం చేయాలి
బీజేపీ జిల్లా అధ్యక్షుడు నగునూరి వెంకటేశ్వర్‌ గౌడ్ పిలుపు
వాస్తవ గమ్యం / తెలంగాణ / మంచిర్యాల : ఈనెల 7న మంచిర్యాల జిల్లా కేంద్రంలో నిర్వహించనున్న సేవా జ్యోతి కార్యక్రమాన్ని విజయవంతం చేయాలని బీజేపీ జిల్లా అధ్యక్షుడు నగునూరి వెంకటేశ్వర్‌ గౌడ్ పిలుపునిచ్చారు. శుక్రవారం జిల్లా బీజేపీ కార్యాలయంలో నిర్వహించిన సన్నాహక సమావేశంలో ఆయన ముఖ్యఅతిథిగా పాల్గొని మాట్లాడారు. ప్రధాని నరేంద్ర మోదీ గుజరాత్‌ ముఖ్యమంత్రిగా ప్రమాణ స్వీకారం చేసి 25 సంవత్సరాల ప్రజాసేవను పూర్తి చేసుకున్న సందర్భంగా దేశవ్యాప్తంగా సేవా జ్యోతి కార్యక్రమాలు నిర్వహిస్తున్నట్లు తెలిపారు.అనంతరం వికసిత్‌ భారత్ సంకల్ప సభ నిర్వహించనున్నామని, ప్రధాని మోదీ వర్చువల్‌గా ప్రసంగిస్తారని చెప్పారు. కార్యకర్తలు, లబ్ధిదారులు, బీజేపీ అభిమానులు పెద్ద సంఖ్యలో పాల్గొని కార్యక్రమాన్ని విజయవంతం చేయాలని కోరారు. సమావేశంలో గాజుల ముఖేష్‌ గౌడ్, ఎనగందుల కృష్ణమూర్తి, వెంకటేశ్వరరావు, పట్టి కృష్ణ, జోగుల శ్రీదేవి, అక్కల రమేష్, కమలాకర్‌రావు, వైద్య శ్రీధర్‌, రాచర్ల సంతోష్‌, సుదీర్‌ గౌడ్, ఆకుల అశోక్‌వర్ధన్‌, ప్రేమ్‌సింగ్‌ రాథోడ్‌, అమీర్‌శెట్టి రాజు, దేవర్నేని సంజీవరావు, జయరాంరావుతో పాటు పలువురు నాయకులు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
