"అక్రమ కేసులపై మాజీ ఎమ్మెల్యే పోరు
రామకృష్ణాపూర్ పోలీస్ స్టేషన్లో బాల్క సుమన్ హాజరు
వాస్తవ గమ్యం / తెలంగాణ / మంచిర్యాల : రామకృష్ణాపూర్ చెన్నూరు నియోజకవర్గ మాజి ఎమ్మెల్యే,బీఆర్ఎస్ నేత బాల్క సుమన్ ఈరోజు(ఆదివారం) రామకృష్ణాపూర్ పోలీస్ స్టేషన్లో హాజరై సంతకం చేశారు.ఇటీవల క్యాతనపల్లి మున్సిపాలిటీ చైర్‌పర్సన్ ఎన్నికల సందర్భంగా చోటుచేసుకున్న ఉద్రిక్తతలు,ఘర్షణల నేపథ్యంలో ప్రభుత్వం బాల్క సుమన్‌పై అక్రమ కేసులు బనాయించిందని బీఆర్ఎస్ వర్గాలు ఆరోపిస్తున్నాయి.ఈ కేసులో అరెస్టై 14 రోజుల పాటు ఆదిలాబాద్ జైలులో రిమాండ్‌లో ఉన్న ఆయనకు,న్యాయస్థానం ఇటీవల షరతులతో కూడిన బెయిల్ మంజూరు చేసింది.కోర్టు విధించిన నిబంధనల ప్రకారం.ప్రతి ఆదివారం స్థానిక రామకృష్ణాపూర్ పోలీస్ స్టేషన్లో హాజరై సంతకం చేయాల్సి ఉంది.ఈ క్రమంలోనే ఆయన నేడు పోలీసుల ఎదుట హాజరయ్యారు.ఈ సందర్భంగా ఆయనతో పాటు పలువురు బీఆర్ఎస్ నాయకులు,కార్యకర్తలు కూడా ఉన్నారు.కాంగ్రెస్ ప్రభుత్వం కావాలనే కక్షసాధింపు చర్యల్లో భాగంగా తప్పుడు కేసులు పెట్టి వేధిస్తోందని, బిఆర్ఎస్ పార్టీ కార్యకర్తలు ప్రజాస్వామ్యబద్ధంగా పోరాటం చేస్తామని ఈ సందర్భంగా పార్టీ శ్రేణులు వెల్లడించాయి.
Admin
వాస్తవ గమ్యం
మరిన్ని వార్తలు
Developed By :
