తెలంగాణ అడవుల్లో అరుదైన 'నీలి పుట్టగొడుగు'
చూడ్డానికి అందం..కానీ తింటే ప్రమాదం!
వాస్తవ గమ్యం / తెలంగాణ / ఆసిఫాబాద్ : కుమురంభీం ఆసిఫాబాద్ జిల్లాలోని దట్టమైన అటవీ ప్రాంతంలో అత్యంత అరుదైన నీలిరంగు పుట్టగొడుగులు వెలుగుచూశాయి. సిర్పూర్(టి) అటవీ డివిజన్‌ పరిధిలోని మాకిడి నెక్షన్‌, గొల్యాల్‌ అటవీ ప్రాంతాల్లో క్షేత్రస్థాయి పరిశీలన జరుపుతుండగా ఈ వింత శిలీంధ్రం కనిపించింది.న్యూజిలాండ్‌ అడవుల నుంచి తెలంగాణ దాకా.శాస్త్రీయంగా ఎంటోలోమా హోచెట్టరీ అని,వ్యవహారికంగా ‘బ్లూ పింక్ గిల్‌’ అని పిలిచే ఈ జాతి పుట్టగొడుగులు ప్రధానంగా న్యూజిలాండ్‌లోని వర్షారణ్యాల్లో కనిపిస్తుంటాయి. వీటిలో ఉండే ‘అజులిన్‌’ అనే వర్ణద్రవ్యం (పిగ్మెంట్‌) వల్లే ఇవి ముదురు నీలిరంగులో మిరుమిట్లు గొలుపుతూ కనిపిస్తాయి. తెలంగాణ అటవీ ప్రాంతంలో ఈ జాతి కనిపించడం రాష్ట్ర జీవ వైవిధ్య సంపదకు నిదర్శనమని అటవీ శాఖ అధికారి మోహన్‌రావు తెలిపారు. అందంగా ఉన్నాయని తినకండి.నీలిరంగులో చూడముచ్చటగా ఉన్నప్పటికీ, ఈ రకం పుట్టగొడుగులు విషపూరితమైనవా కాదా అనే దానిపై స్పష్టత లేదని అధికారులు తెలిపారు. కొన్ని రకాల అడవి శిలీంధ్రాల్లో ప్రాణాంతక విషపదార్థాలు ఉండే అవకాశం ఉన్నందున, స్థానికులు లేదా అటవీ సమీప గ్రామాల ప్రజలు వీటిని ఎట్టిపరిస్థితుల్లోనూ కోయడం కానీ, వండుకుని తినడం కానీ చేయకూడదని అటవీ శాఖ స్పష్టమైన హెచ్చరికలు జారీ చేసింది.
Admin
వాస్తవ గమ్యం
మరిన్ని వార్తలు
Developed By :
