మందమర్రి డబుల్ బెడ్రూం లక్కీ డ్రాలో మహిళలకే అనుమతి
వాస్తవ గమ్యం / తెలంగాణ / మంచిర్యాల : మందమర్రి పట్టణంలో డబుల్ బెడ్రూం ఇళ్ల కేటాయింపునకు నిర్వహిస్తున్న లక్కీ డ్రా నేపథ్యంలో కేఆర్ ఫంక్షన్ హాల్ వద్ద పోలీసులు భారీ బందోబస్తు ఏర్పాటు చేశారు. లక్కీ డ్రా ప్రక్రియలో ఎలాంటి అవాంఛనీయ ఘటనలు చోటు చేసుకోకుండా పోలీసులు ప్రత్యేక భద్రతా చర్యలు చేపట్టారు. లక్కీ డ్రా కేంద్రం వద్దకు వచ్చిన వారిలో అధికారిక జాబితాలో పేర్లు ఉన్న మహిళా లబ్ధిదారులను మాత్రమే పోలీసులు లోపలికి అనుమతిస్తున్నారు. ఇతరులను ఫంక్షన్ హాల్ పరిసరాల్లో ఉండనీయకుండా బయటకు పంపిస్తున్నారు. లబ్ధిదారులు తమకు కేటాయించిన ప్రకారం క్రమపద్ధతిలో లోపలికి వెళ్లేలా పోలీసులు చర్యలు తీసుకుంటున్నారు.లక్కీ డ్రా పూర్తయ్యే వరకు ఫంక్షన్ హాల్ పరిసరాల్లో గట్టి నిఘా ఏర్పాటు చేసి, ఎలాంటి గందరగోళం తలెత్తకుండా పోలీసులు పర్యవేక్షిస్తున్నారు. అధికారులు, పోలీసుల సూచనలకు లబ్ధిదారులు సహకరించాలని కోరుతున్నారు. లక్కీ డ్రా ప్రక్రియను ప్రశాంతంగా, పారదర్శకంగా నిర్వహించేందుకు అధికారులు అన్ని ఏర్పాట్లు పూర్తి చేశారు.
Reporter
వాస్తవ గమ్యం
మరిన్ని వార్తలు
Developed By :
