సింగరేణి సెక్యూరిటీ కి రక్షణ కరువు
సింగరేణిలో సెక్యూరిటీ గార్డుల ఆందోళన..నాలుగో రోజుకు చేరిన నిరసనలు
వాస్తవ గమ్యం / తెలంగాణ / మంచిర్యాల : సింగరేణి సంస్థలో సెక్యూరిటీ గార్డులుగా విధులు నిర్వహిస్తున్న 220 మంది కార్మికులను అకస్మాత్తుగా తొలగించడాన్ని నిరసిస్తూ, సీఐటీయూ ఆధ్వర్యంలో చేపట్టిన ఆందోళనలు నాలుగో రోజుకు చేరుకున్నాయి. టెండర్ గడువు ముగిసిందనే సాకుతో ఏళ్ల తరబడి పనిచేస్తున్న తమను రోడ్డున పడేయడంపై కార్మికులు తీవ్ర ఆగ్రహం వ్యక్తం చేస్తున్నారు. గత 12 ఏళ్లుగా సంస్థ ఆస్తులను కాపాడుతూ శ్రమించిన కార్మికులను, వయస్సు సాకుతో మరియు కొత్త టెండర్ల పేరుతో పక్కన పెట్టడంపై ఆవేదన వ్యక్తమవుతోంది.రెండు నెలలుగా జీతాలు లేక, కుటుంబ పోషణ భారమై సెక్యూరిటీ గార్డులు మార్కెట్ వీధుల్లో భిక్షాటన చేస్తూ వినూత్న రీతిలో నిరసన తెలిపారు. అధికారుల నిర్లక్ష్యం వల్ల 220 కుటుంబాలు చీకట్లోకి వెళ్లాయని వారు ఆవేదన చెందుతున్నారు.కార్మిక శాఖ మంత్రి సొంత ప్రాంతంలోనే కార్మికులకు ఈ పరిస్థితి ఎదురవ్వడంపై విమర్శలు వెల్లువెత్తుతున్నాయి. ఉపాధి కల్పించాల్సిన ప్రభుత్వమే ఉన్న ఉద్యోగాలను ఊడగొడుతోందని కార్మిక సంఘాలు మండిపడుతున్నాయి.వెంటనే కొత్త టెండర్లు పిలిచి, పాత కార్మికులందరినీ విధుల్లోకి తీసుకోవాలి.వయస్సు పేరుతో చేస్తున్న వడపోతను తక్షణమే నిలిపివేయాలి.పాత పద్ధతిలోనే పోస్టులను కొనసాగించి, కార్మికులకు ఉద్యోగ భద్రత కల్పించాలి. యాజమాన్యం మొండివైఖరి వీడకపోతే ఈ నిరసన జ్వాలలు సంస్థ వ్యాప్తంగా విస్తరిస్తాయి. ఆకలితో ఉన్న పేదవాడి భిక్షా పాత్రలే రేపు తిరుగుబాటు ఆయుధాలుగా మారుతాయి." అని సీఐటీయూ హెచ్చరించింది.
Admin
వాస్తవ గమ్యం
మరిన్ని వార్తలు
Developed By :
