కర్ణమామిడి పీఏసీఎస్‌ నూతన పాలకవర్గం బాధ్యతల స్వీకారం
వాస్తవ గమ్యం / తెలంగాణ / మంచిర్యాల : మంచిర్యాల జిల్లా హాజీపూర్ మండలం కర్ణమామిడి గ్రామంలోని కమ్యూనిటీ హాల్‌లో కర్ణమామిడి ప్రాథమిక వ్యవసాయ సహకార సంఘం ( పి ఎ సి ఎస్) నూతన చైర్మన్, వైస్ చైర్మన్, డైరెక్టర్ల ప్రమాణ స్వీకార కార్యక్రమం ఘనంగా జరిగింది. ఈ కార్యక్రమానికి మంచిర్యాల ఎమ్మెల్యే కొక్కిరాల ప్రేమ్ సాగర్ రావు హాజరై నూతన పాలకవర్గానికి శుభాకాంక్షలు తెలిపారు. వారిని శాలువాలతో సన్మానించారు.రైతుల సంక్షేమం, సహకార రంగం బలోపేతం, గ్రామీణాభివృద్ధిలో పీఏసీఎస్‌లు కీలకంగా పనిచేయాలని ఎమ్మెల్యే సూచించారు. రైతులకు అందుబాటులో ఉంటూ వారి అవసరాలను గుర్తించి సహకార స్ఫూర్తితో సేవలందించాలని కోరారు. కమ్యూనిటీ హాల్ మౌలిక వసతుల అభివృద్ధికి నిధులు మంజూరు చేయాలని గ్రామస్తులు కోరగా, వెంటనే స్పందించిన ఎమ్మెల్యే నిధులు మంజూరు చేస్తానని హామీ ఇచ్చారు.కార్యక్రమంలో సర్పంచ్ బొడ్డు భూమయ్య, మార్కెట్ కమిటీ చైర్మన్ రామగిరి బానేష్, హాజీపూర్ మండల అధ్యక్షుడు తోట రవి, వైస్ చైర్మన్ జాలే రాయలింగు, జిల్లా ఆర్ జి పి ఆర్ ఎస్ అధ్యక్షుడు గడ్డం త్రిమూర్తి, జిల్లా ఓ బి సి చైర్మన్ వొడ్డే రాజమౌళి, ప్రజాప్రతినిధులు,పీఏసీఎస్‌ డైరెక్టర్లు,నాయకులు,కార్యకర్తలు పాల్గొన్నారు.
Reporter
వాస్తవ గమ్యం
మరిన్ని వార్తలు
Developed By :
